Hrybny siezon u razhary. Što varta viedać pierad tym, jak hatavać stravy z hryboŭ? Pra heta vydańniu onet.pl raskazała dyjetołah Katažyna Sumiec.
Časta kažuć, što hryby drenna zasvojvajucca i nie majuć asablivaj charčovaj vartaści. Nasamreč u hetym pradukcie šmat minierałaŭ, tamu kali dadać hryby, naprykład, u sous, možna i zrabić jaho smačniejšym, i atrymać karysnyja rečyvy.
Ale hryby sapraŭdy pieratraŭlivajucca ciažej, čym inšyja pradukty. Takimi ich robić chicin — celułozapadobny polisacharyd, ź jakoha składajecca kletačnaja ścienka hryboŭ.
Dyjetołah ličyć, što heta ŭsio ž taki nie pryčyna admaŭlacca ad šampińjonaŭ dy baravikoŭ, hałoŭnaje — jeści ŭsie pradukty ŭ mieru. Kali paśla hryboŭ čałaviek adčuvaje siabie narmalna, ŭ jaho nie balić žyvot i niama adčuvańnia ciažaru, jon moža łasavacca imi i dalej.
Jość i takija ludzi, jakim hryby supraćpakazanyja. Pierš za ŭsio, heta tyja, chto maje na ich alerhiju, a taksama ludzi ź niekatorymi zachvorvańniami stravavalnaj sistemy nakštałt sindromu razdražnionaha kišečnika. Taksama hryby nie rekamiendujuć maleńkim dzieciam (prykładna da troch hadoŭ), ludziam z chvarobami nyrak i piečani, pažyłym ludziam i ciažarnym žančynam, bo hryby mohuć drenna zasvojvacca i vyklikać dyskamfort u kišečniku.
Što da karysnych rečyvaŭ, to ŭ hrybach jość klatčatka, a taksama nievialikaja kolkaść vitaminaŭ hrupy V i kaliju, žaleza, cynku, kalcyju i mahniju. Ale ich kolkaść nie takaja vialikaja, kab možna było ličyć hryby dobraj krynicaj hetych minierałaŭ.
Dyjetołah raskazvaje, što hryby treba jeści termična apracavanymi, pažadana varanymi ci tušanymi, bo, kali jany pryhatavanyja inšym čynam, jany mohuć horš zasvojvacca. Dadavajcie da hryboŭ śpiecyi, jakija palepšać stravavańnie (majaran, čabor, razmaryn i kmin), i ŭličvajcie, što kali razam z hrybami ŭžyvać ałkahol, jany buduć zasvojvacca jašče horš. Kali ŭ vas čullivy straŭnik, lepš za ŭsio nie jeści hryby z babovymi ci ź inšymi praduktami, jakija vyklikajuć mietearyzm. I, pa mierkavańni dyjetołaha, najhoršy vybar — heta hryby, marynavanyja ŭ vocacie.
Taksama rekamiendujecca nie kuplać hryby ŭ niepravieranych miescach, naprykład, u prydarožnych handlaroŭ. Važna i toje, jak vy zachoŭvajecie hryby: zabiaśpiečcie da ich svabodny dostup pavietra i nie trymajcie hryby ŭ polietylenavym pakiecie ci viadry, bo tak jany vielmi chutka psujucca.
Recept na vychadnyja: zapiečanaja pasta z hrybami i viandlinaj
Vykručvać ci zrazać hryby? Samy strašny hrech u inšym
U Kanadzie zrabili robata, jaki nadta spraŭna źbiraje hryby
Vyjšaŭ na svabodu biełarus, jakoha ŭ svoj čas prysudzili da pažyćciovaha źniavoleńnia. Heta pieršy viadomy taki vypadak9
Kamientary