Kramy «Vostraŭ čyścini» znoŭ adkryvajucca
Pra svajo viartańnie sietka kramaŭ «Vostraŭ čyścini i smaku» paviedamiła ŭ sacsietkach.
Fota: sacsietki kampanii
Sietka paviedamlaje, što ciapier adkryta 15 kram pa krainie — nie tolki ŭ Minsku, ale i ŭ rehijonach. Heta Brest, Homiel, Barysaŭ, Stoŭbcy, Vidzy, Pastavy, Orša, Žłobin, Iŭje, Dziatłava.
U stalicy kramy adkrylisia pa nastupnych adrasach: Matusieviča, 68, Uschodniaja, 46, Burdejnaha, 6.
Nahadajem, u vieraśni 2022 hoda źjaviłasia infarmacyja ab zatrymańni hiendyrektara «Vostrava čyścini» Viktara Ramuka. Praz hod jahony biznes byŭ na miažy bankructva: krynicy «Našaj Nivy» śćviardžali, što vielizarny vykup za vychad ułaśnika ź SIZA (paviedamlałasia, što heta 7 młn dalaraŭ) i prablemnaja biznes-madel pahražajuć kampanii zakryćciom. Mnohija kramy sietki zakrylisia.
Novym ułaśnikam stała kampanija «AjłandHrup».