Častka kram sietki «Vostraŭ čyścini i smaku» pierajšła novaj kampanii «AjłandHrup». Heta vynikaje sa źviestak Adzinaha dziaržrehistratara jurydyčnych asob i IP, vyśvietliła «Lusterka».
Častkaj kram sietki dyskaŭntaraŭ «Vostraŭ čyścini i smaku» stała kiravać kampanija «AjłandHrup», zasnavanaja 16 žniŭnia hetaha hoda. Pačynajučy z 3 vieraśnia joj užo pierajšli 28 handlovych punktaŭ.
U momant afarmleńnia «AjłandHrup» i na praciahu nastupnych čatyroch dzion jaje zasnavalnikam byŭ rasijanin Pupał Alaksandr Ačykzajevič. Heta vynikaje sa źviestak Adzinaha dziaržrehistratara jurydyčnych asob i IP (ADR). Jon byŭ zaŭvažany na naradzie ŭ Ministerstvie antymanapolnaha rehulavańnia i handlu, dzie abmiarkoŭvali budučyniu viadomaj handlovaj sietki. Z 20 žniŭnia 100% kampanii «AjłandHrup» naležać inšamu hramadzianinu RF — Makšancavu Alaksieju Lvoviču.
Kiruje handlovaj sietkaj Hryškievič Vadzim Mikałajevič, jaki maje dośvied u hetaj halinie, tak jak raniej byŭ u kiraŭnictvie inšaha rytejlera — «Hipa».
Vierahodniej za ŭsio, hetaja firma kiruje častkaj sietki pa franšyzie. Taki farmat ahučvaŭ zasnavalnik «Vostraŭ čyścini i smaku» Viktar Ramuk jak scenar budučaha raźvićcia brendu. Taksama prapanovu dla kupli franšyzy prasoŭvaje sama hetaja handlovaja sietka.
Franšyza — heta partniorstva, pa jakim uładalnik biźniesu daje inšamu pradprymalniku prava vykarystoŭvać svoj brend i madel biźniesu.
Tym nie mienš i za zasnavalnikami bujnoha biznesu ŭsio jašče ličycca amal 160 kram sietki, vynikaje z handlovaha rejestra. Jany aformleny na niekalki kampanij, jakija kiravali imi na praciahu mnohich hadoŭ. Jak vynikaje z danych ADR, Viktar Ramuk farmalna nie vałodaje kampanijami z 2023 hoda, ale siarod zasnavalnikaŭ i kiraŭnikoŭ zastajucca inšyja členy jaho siamji. Pry hetym amal usie hetyja firmy znachodziacca ŭ stadyi likvidacyi. Vyklučeńnie — kampanija «PradChimMarkiet», u jakoj zastałosia try kramy sietki. Z maja hetaha hoda jana bolš nie naležyć siamji Ramuk, joj vałodaje Pryhodzič Anatol Aksienćjevič.
Kamientary