Łukašenka zajaviŭ, što napačatku vajny jamu telefanavali hienierały USU, jakija chacieli zdacca, ale tak i nie zdalisia
Alaksandra Łukašenku naviedali novyja ŭspaminy pra 2022 hod, jakija jon ahučyŭ u čas mižnarodnaj kanfierencyi pa jeŭrazijskaj biaśpiecy, jakaja prachodzić u Minsku.
Łukašenka zajaviŭ pra zvanki ad ukrainskich hienierałaŭ, jakija prasili źviazacca z prezidentam RF Uładzimiram Pucinym, kab spynić bai i zdacca ŭ pałon.
«Dalej Papa Rymski i ŭvieś Zachad padklučyŭsia, prasiŭ na maich vačach prezidenta Rasii: «Spyniciesia, nie treba». Jany ŭžo ŭ pradmieści Kijeva byli, na ŭskrainie Kijeva byli vojski. Nichto ich nie strymaŭ.
Mnie telefanavali hienierały ŭkrainskija, prasili źviazacca z Pucinym praź mianie, kab spynić vajnu i niejak zdacca ŭ pałon». — raskazaŭ Łukašenka raniej nieviadomuju historyju.
U jakoj stupieni jana adpaviadaje rečaisnaści, nieviadoma. U minułym Alaksandr Łukašenka nie raz papadaŭsia na zajavach, jakija nie adpaviadali rečaisnaści i byli zaviedamaj chłuśnioj.
Čytajcie taksama: