Vysokapastaŭleny amierykanski čynoŭnik sprabavaŭ akazać cisk na Biełaruś, kab kraina admoviłasia padtrymlivać Rasiju — takuju zajavu zrabiŭ Alaksandr Łukašenka na Mižnarodnaj kanfierencyi pa biaśpiecy, što prachodzić u Minsku.
Pavodle słoŭ Łukašenki, niadaŭna jamu pryjšłosia pierapisvacca praz pasrednikaŭ z adnym vysokapastaŭlenym čynoŭnikam sa Złučanych Štataŭ.
«Jany nas pałochali tym, što kali vy nie daj boh dapamožacie Rasii i zojdziecie na Ukrainu praz poŭnač, kali vy tam niešta tam, my ŭviadziom takija sankcyi. My z vami pačniom vajnu», — skazaŭ Łukašenka.
Pavodle słoŭ Łukašenki, u adkaz nakont vajny jon napisaŭ amierykanskamu čynoŭniku: «Pasprabujcie».
A što jon napisaŭ nakont sankcyj, nie skazaŭ: «Nie budu havaryć pra adkaz», — skazaŭ jon, bo «my ž ludzi vierujučyja».
Imia surazmoŭcy Łukašenka nie raskryŭ.
Raniej jon zajaŭlaŭ, što 18 kastryčnika pravioŭ pieramovy z pradstaŭnikami zachodnich dziaržaŭ.
Nijakaj infarmacyi pra heta z amierykanskaha boku nie było. U jakoj stupieni jana adpaviadaje rečaisnaści, nieviadoma.
U minułym Alaksandr Łukašenka nie raz papadaŭsia na zajavach, jakija nie adpaviadali rečaisnaści i byli zaviedamaj chłuśnioj.
-
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy
-
Rahačoŭskaha aktyvista Dzianisa Daškieviča abvinavačvajuć u padrychtoŭcy zamachu na dziaciej Cichanoŭskaj
-
Łukašenka, razvažajučy pra dyscyplinu, uviarnuŭ frazu pa-biełarusku
Ciapier čytajuć
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy7
Kamientary