«BiełDžy» ŭ nastupnym hodzie pačnie vypuskać mietanavyja aŭtamabili
Mietanavyja aŭtamabili Belgee S50, jakija zamieniać Geely Emgrand New biełaruskaj zborki, pastupiać u prodaž u 2025 hodzie, paviedamiŭ hiendyrektar zavoda «BiełDžy» Hienadź Śvidzierski. Pavodle jaho słoŭ, viadziecca sistemnaja praca z «Hazpramam» pa pieravodzie siedanaŭ biełaruskaj vytvorčaści na mietan.
Fotakałaž: kitajskije-avtomobili.rf
«Heta davoli składanaja zadača dla novych aŭtamabilaŭ, ale dziakujučy takomu techničnamu supracoŭnictvu praktyčna zavieršanyja raboty pa adaptacyi mietanu dla našaj samaj masavaj madeli S50», — cytuje Hienadzia Śvidzierskaha jutub-kanał «Hazovaja promyšlennosť».
Śvidzierski adznačyŭ, što heta vielmi dobraja opcyja, jakaja dazvalaje nie tolki nadziejna ekspłuatavać aŭto, ale i rabić hetuju ekspłuatacyju tańniejšaj.
«Ja dumaju, što da sieryjnych pastavak my ŭžo zmožam sumiesna prystupić u nastupnym hodzie», — udakładniŭ jon.
Śvidzierski taksama dadaŭ, što ŭ jahonaha pradpryjemstva jość zadumki pa pieravodzie na mietanavaje paliva krasovieraŭ Ch50. Nieŭzabavie raboty nibyta raspačnuć i pa hetaj madeli.
Pra toje, što biełaruski Belgee S50 zamienić kitajski Geely Emgrand, jaki vypuskajecca na zavodzie «BiełDžy», stała viadoma ŭ kastryčniku hetaha hoda. Praŭda, na pačatkovym etapie madel budzie adroźnivacca ad zychodnaha Emgrand tolki emblemaj.
Čytajcie taksama:
Prodažy novych aŭtamabilaŭ u Biełarusi znoŭ pastavili rekord
Pieršyja aŭtacentry biełaruskaha brenda Belgee adkrylisia ŭ Minsku
Byvaj, Jeŭropa! Biełarusy kančatkova pierasadžvajucca na kitajskija aŭto
U Rasii zafiksavali rekordnyja prodažy aŭtamabilaŭ «Biełdžy»
Sankcyi prynosiać svoj plon — prodažy novych aŭto ŭ Biełarusi bjuć rekordy