Stali viadomyja padrabiaznaści žudasnaj avaryi z zahinułymi dziećmi pad Lidaj
Siońnia kala 15-j hadziny na darozie M6 «Minsk — Hrodna» ŭ Lidskim rajonie pablizu vioski Biskupcy adbyłosia žachlivaje DTZ, achviarami jakoha stali čatyry čałavieki z šaści, jakija jechali ŭ mašynie Opel. Ciapier MUS paviedamiła niekatoryja padrabiaznaści taho, što adbyłosia na trasie.
Pavodle słoŭ načalnika Hałoŭnaha ŭpraŭleńnia DAI MUS Viktara Rotčankava, 61-hadovy kiroŭca aŭtamabila zasnuŭ za rulom i straciŭ kiravańnie aŭtamabilem, paśla čaho jahony Opel źjechaŭ za miežy prajeznaj častki, dzie najechaŭ na darožnuju aharodžu. Paśla taho aŭto nieadnarazova pierakuliłasia.
Achviarami avaryi stali čatyry pasažyry z šaści, jakija jechali ŭ siamimiesnym minivenie: dzieci 7 i 17 hadoŭ i dźvie žančyny 55 i 68 hadoŭ.
Čytajcie taksama:
23-hadovy chłopiec zahinuŭ u łabavym sutyknieńni ŭ Śvietłahorskim rajonie
U Maładziečanskim rajonie aŭtamabil naśmierć źbiŭ dzieviacihadovaha chłopčyka