Hienprakuratura raskazała pra vialikuju spravu pa dvarovych čatach
Hienprakuratura raskazała pra novuju vialikuju spravu pa dvarovych čatach. Pra heta zajaviŭ u efiry STB načalnik adździeła pa nahladzie za vykanańniem zakanadaŭstva ab dziaržaŭnaj biaśpiecy Hienprakuratury Valeryj Šulak.
Fota: STB
«Litaralna dva tydni tamu ŭ Biełarusi pa ŭsich rehijonach była vykrytaja sietka padobnych čataŭ, jakija sprabavali abjadnacca ŭ arhanizacyju. Hetaja sproba nie mieła pośpiechu. Ludzi pryciahnutyja da kryminalnaj adkaznaści», — raskazaŭ jon.
Artykuł Šulak nie nazvaŭ, ale skazaŭ, što ŭdzielnikam takich čataŭ pahražaje da 15 hadoŭ pazbaŭleńnia voli.
Razam z tym jon taksama pryznaŭ, što ŭ 2024 hodzie ŭ paraŭnańni z papiarednim «ździejśniena na 35% mienš złačynstvaŭ ekstremisckaha charaktaru» i papiaredziŭ, što «ekstremistaŭ» buduć karać pa zakonie.