Jak Łukašenka kulhaŭ, vychodziačy z samalota ŭ Pakistanie VIDEA
Biełaruskaja prapahanda ŭžo daŭno nie pakazvaje, jak Alaksandr Łukašenka spuskajecca abo padnimajecca pa leśvicach. Redkija kadry možna ŭbačyć tolki padčas niešmatlikich zamiežnych pajezdak Łukašenki ŭ materyjałach miascovych žurnalistaŭ, adznačaje Reform.news.
Nievialikaje videa Łukašenki pakazaŭ pakistanski telekanał. Łukašenka trymajecca za parenčy i ź ciažkaściu pieraadolvaje niekalki prystupak.
U žniŭni hetaha hoda Łukašenka skardziŭsia na prablemy z nahoj.
«Nu časam nakulhvaju, naha balić. Nie mohuć mnie sustaŭ adramantavać. Nu, ja dumaju, dla prezidenta heta nie tak strašna. Dzie nie projdzieš, tam prajedzieš», — skazaŭ jon.