Žychara Krasnapolla prysudzili da adnaho hoda kałonii za krytyku Łukašenki
Pavodle infarmacyi telehram-kanała Mayday team, 2 kastryčnika sud Krasnapolskaha rajona vynies prysud miascovamu žycharu Alaksandru Kirejevu, jakoha pryznali vinavatym u «abrazie Alaksandra Łukašenki» (art. 368 KK RB).
Padstavaj dla kryminalnaj spravy staŭ toj fakt, što Kirejeŭ u červieni 2024 hoda ŭ prysutnaści supracoŭnikaŭ Krasnapolskaha RAUS i adździeła prymusovaha vykanańnia Krasnapolskaha rajona, «vykarystoŭvajučy nienarmatyŭnuju leksiku, vykazaŭ svaju niehatyŭnuju acenku asoby prezidenta Respubliki Biełaruś».
Za heta sudździa Jaŭhienija Kraŭcova prysudziła Alaksandra Kirejeva da 1 hoda pazbaŭleńnia voli va ŭmovach ahulnaha režymu.
Čytajcie taksama:
Siłaviki zatrymali administratara čata «Biełarusy ŭ Olštynie»
Šmatdzietnaha baćku sudziać za kamientary. Jaho žonka taksama ŭ SIZA