Cichanoŭskaja: Z mužam užo bolš za 600 dzion niama suviazi, ale Siarhiej — adzin z samych mocnych ludziej, jakich ja sustrakała
U intervju TVP World biełaruskaja lidarka padzialiłasia dumkami nakont ciapierašniaha stanu muža Siarhieja ŭ turmie.
«U samym pačatku my ŭsie vieryli, što Siarhiej chutka vierniecca dadomu. Tamu ja kazała dzieciam, što ich tata ŭ kamandziroŭcy. Ale potym ja vyrašyła raskazać im praŭdu:
Siarhiej u turmie, ale nie tamu što jon złačyniec, a tamu što ich tata — sumlenny čałaviek, jaki advažyŭsia kinuć vyklik režymu. Jon zrabiŭ heta dziela ich budučyni. Jany płakali niekalki dzion, ale pryniali heta.
I z tych časoŭ maja zadača — zrabić tak, kab tata ŭsio roŭna prysutničaŭ u žyćci maich dziaciej: my ŭvieś čas hladzim videa ź jaho błoha na YouTube, a naša dačka piša listy tatu na kožnaje śviata».
Śviatłana raskazała pra ciapierašni stan Siarhieja:
«Bolš za 600 dzion ź im niama suviazi. Moj muž užo čatyry hady nie atrymlivaŭ nijakich pasyłak. Ujavicie sabie hetuju turemnuju ježu, bieź vitaminaŭ. Dumaju, jon mocna schudnieŭ.
Viadoma, što va ŭsich palitviaźniaŭ uźnikajuć prablemy sa zdaroŭjem, z zubami, z vačyma. Ich vielmi časta sadžajuć u karcary, u ich niama ni padušak, ni koŭdraŭ, ničoha. Ale, viedajecie, Siarhiej — adzin z samych mocnych ludziej, jakich ja sustrakała.
Jon zaŭsiody byŭ maim aryjenciram u śviecie i žyćci. Jon spraŭlaŭsia sa šmatlikimi ciažkaściami ŭ našym žyćci. Tamu ja vieru, što my razam projdziem i praz heta».
Zaŭtra, 29 listapada, budzie roŭna čatyry z pałovaj hady, jak zatrymali Siarhieja Cichanoŭskaha.
Ciapier čytajuć
Biełaruska nabiła na ciele partrety Łukašenki i jaho synoŭ, Umki, Pucina dy Si Czińpina4
Kamientary
Try standartnych pytańnia da takich stratehaŭ:
1. Sami što rabili ŭ 2020-m?
2. Jaki vaš płan, jaki nibyta pavinna była vykonvać C., ź jakim my b atrymali pieramohu?
3. Čamu i jak C. (a taksama kabiety z kvietkami i h.d. pa śpisie) vam zaminała zmahacca samastojna pa svaim płanie?
Rytoryka spradara Siarhieja Cichanoŭskaha da vybaraŭ 2020 była małaadroznaja ad rytoryki spadara Łukašenki Baćki da vybaraŭ 1994.
Chutčej za ŭsio ŭva ŭmovach słušnaje matematyki padliku ( što nia značyć sumlennych vybaraŭ, lubyja palityčnyja vybary, niezaležna ad matematyki, - złačynnaje ašukanstva) kamunianie besesery ščaśliva abrali b sabie Łukašenku 2.0 ź inšym proźviščam.