Va Uzbrojenych siłach zajavili, što raspracavali anałah Starlink dla biełaruskaj armii
Biełaruskaja armija da śniežnia atrymaje raspracavany ŭ Respublicy mabilny kamplekt suviazi dla Uzbrojenych sił, jaki nazyvajuć anałaham Starlink, paviedamiŭ načalnik suviazi Uzbrojenych sił Biełarusi Vadzim Ramaniŭ u efiry telekanała «Biełaruś 1».
Ilustracyjnaje fota
«Letaś Łukašenku byŭ pradstaŭleny naš mabilny kamplekt suviazi, tak zvany anałah Starlink. Sioleta my ŭ kančatkovym vyniku dapracavali hety kamplekt praktyčna da daskanałaści i palepšyli jaho jakaść, kolkaść pasłuh», — skazaŭ jon.
Načalnik suviazi padkreśliŭ, što da pačatku novaha navučalnaha hoda (pačynajecca ŭ armii ŭ śniežni) jon budzie ŭ vojskach.