Uradavyja vojski Siryi adkinuli paŭstancaŭ ad Chamy. Ale ŭ Alepa razhrom poŭny

U subotu 30 listapada paŭstancy ŭvajšli ŭ hety piaty pa pamiery horad krainy z poŭnačy, ale paźniej tudy padyšli padmacavańni z elitnych čaściej siryjskaj armii, paviedamlajuć infarmavanyja rasijskija vajenkary. Niaŭdałaja sproba zachapić Chamu moža aznačać, što kiraŭnictva krainy vychodzić z šoku paśla blickryhu paŭstancaŭ u Alepa, kali vobłaść z 2-miljonnym horadam była zachoplenaja amal całkam za 4 dni.

Rasijskaja avijacyja nanosić udary pa Alepa dy inšych haradach poŭnačy, u tym liku kasietnymi bojeprypasami, pišuć siryjskija telehram-kanały. 

U toj ža čas suprać Asada znoŭ paŭstali harady na poŭdni krainy, u rajonie Der'a. 

Paŭstancy taksama pościać šmatlikija foty i videa z zachoplenaj vajskovaj technikaj rasijskaj vytvorčaści, siarod jakich ustanoŭka SPA «Pancyr» i RSZA «Urahan».

Źviartaje ŭvahu vyškał, dyscyplina i dobraja asnaščanaść paŭstancaŭ, vynik stvareńnia na poŭnačy Siryi kala miažy z Turcyjaj efiektyŭnych dziaržaŭnych struktur.

Kamientary da artykuła