Hrodzienski błohier i były palitviazień Vadzim Jermašuk (Vadimati) pakinuŭ Biełaruś

Videa z Varšavy z Vadzimam Jermašukom apublikavała ŭ instahramie aktyvistka strajkama z Hrodna Julija Śliŭko. 

Raniej paviedamlałasia, što vydalenuju staronku Jermašuka ŭ instahramie pryznali ekstremisckimi materyjałami.

Vadzim Jermašuk byŭ zatrymany ŭ žniŭni 2021 hoda ŭ Ščučynie, kudy pajechaŭ zdymać rolik. Paśla 40 sutak administracyjnaha aryštu na jaho zaviali dźvie kryminalnyja spravy — pavodle artykuł 368 KK (abraza Łukašenki) i artykuł 370 KK (ździek ź dziaržaŭnych simvałaŭ).

21 śniežnia 2021 hoda ŭ Ščučynskim rajonnym sudzie Jermašuku vynieśli prysud — try hady kałonii. Jon całkam adbyŭ pryznačanaje pakarańnie, znachodziŭsia ŭ kałonii ŭ Babrujsku.

Nieŭzabavie paśla vyzvaleńnia Vadzim loh u ankałahičny špital. Paśla jon raskazaŭ, što paśla kałonii ŭ jaho vyjavili złajakasnuju miełanomu. Jana akazałasia «byccam by» treciaj stadyi (usiaho — čatyry, adlik idzie ź pieršaj). Ciapier jaje ŭdała vydalili. U Vadzima da zatrymańnia nazirali radzimku, jon chacieŭ jaje vydalić — i nie paśpieŭ. Paźniej jon prasiŭ pra vizit ankołaha ŭ miescach pazbaŭleńnia voli, ale jamu admovili.

@nashaniva Try jaho hady ŭ kałonii byli piekłam, bo jon siadzieŭ u «nizkim statusie» #protiesty #vybory #2020 #bčb #politika #novosti #biełaruś ♬ Mysterious and sad BGM(1120058) - S and N

Kamientary da artykuła