U Hrodnie źbirajucca zavieści razvadny most, vodnaje taksi i miesca dla johi

Staršynia Hrodzienskaha abłvykankama Uładzimir Karanik pravioŭ pracoŭnuju naradu pa ŭparadkavańni nabiarežnaj Niomana ŭ Hrodnie. Akazałasia, što adnosna hetaha isnujuć niekalki prajektaŭ.

Pavodle adnaho z prajektaŭ, nabiarežnuju ad byłoha piŭzavoda da pahorka, na jakim staić Stary zamak, zrobiać u sučasnym styli: dvuchuzroŭnievyja piešachodnyja darožki, sietka ŭstanoŭ hramadskaha charčavańnia. Taksama tut chočuć pabudavać razvadny piešachodny most da skviera pa vulicy Levanabiarežnaj, a pobač sa skvieram — jomistyja parkoŭki.

Adnosna ŭparadkavańnia i vykarystańnia vostrava kala Papovickaha mosta taksama jość niekalki varyjantaŭ. Jość ideja abstalavać tam pryčał dla vodnaha taksi, skiejtpark i placoŭki dla ekstremalnych vidaŭ sportu, a taksama sučasny vadziany młyn i placoŭki dla zaniatkaŭ johaj.

Pobač z Kałožskaj carkvoj moža źjavicca naziralnaja placoŭka, a taksama malaŭničyja placoŭki dla adpačynku i ramieśnickija kramy. Uzdoŭž bieraha Niomana kala padnožža pahorka, na jakim staić carkva, taksama źbirajucca prakłaści dvuchuzroŭnievyja piešachodnyja i viełasipiednyja ściežki.

Kamientary da artykuła