Haradziency prasili ŭstalavać miemaryjalnuju došku ŭ honar Vasila Bykava. Voś što adkazali čynoŭniki
Ustalavać došku prapanoŭvałasia na domie, dzie žyŭ narodny piśmieńnik, paviedamlaje Hrodno.life.
Aŭtary pietycyi prapanoŭvali haradskim uładam ustalavać miemaryjalnuju došku na domie pa vulicy Vialikaja Trajeckaja, 28, dzie žyŭ Vasil Bykaŭ.
Zvarot na sajcie e-petitions.by źjaviŭsia ŭ kancy kastryčnika, jaho padpisali 29 čałaviek. U pietycyi adznačałasia, što, dziakujučy miemaryjalnaj šyldzie, u horadzie źjavicca važny kulturny abjekt. A jaje adsutnaść pieraškadžaje naležnym čynam ušanavać układ Vasila Bykava ŭ biełaruskuju i suśvietnuju litaraturu.
Adnak praź miesiac na pietycyju pryjšoŭ niehatyŭny adkaz ad čynoŭnikaŭ
U adkazie harvykankama adznačajecca, što «kaštarysnyja pakazčyki pa horadzie Hrodna nie praduhledžvajuć finansavańnie raschodaŭ na stvareńnie abjektaŭ manumientalnaha mastactva ŭ horadzie, u tym liku miemaryjalnaj abo pamiatnaj šyldy ŭ pamiać Vasila Bykava».
Taksama čynoŭniki adznačyli, što dadatkovych finansavych krynic niama, tamu praduhledzieć srodki na ŭstanoŭku šyldy «nie ŭjaŭlajecca mahčymym».
Adkaz na zvarot hrodziencaŭ padpisała namieśnik kiraŭnika Hrodzienskaha harvykankama Zoja Kuleša. Jana raniej admoviła haradžanam va ŭstanoŭcy pomnika Vasilu Bykavu. Za jaje podpisam taksama prychodzili adkazy ab źnikłych z haradskich budynkaŭ tabličkach, pryśviečanych paŭstancam 1863 hoda i paŭstańniu Kaściuški.
-
U kabiniet hiniekołaha homielskaj palikliniki padčas ahladu žančyny zajšoŭ mužčyna-inžynier — ale vymovu zrabili nie jamu
-
22‑hadovy Viktar z-pad Klecka pratrymaŭsia na froncie miesiac. A paśla baćki pierasvarylisia, dzielačy hrabavyja
-
Słava Kamisaranka raskazaŭ, jak žyvie, kali zastaŭsia biez rasijskaha hramadzianstva
Ciapier čytajuć
22‑hadovy Viktar z-pad Klecka pratrymaŭsia na froncie miesiac. A paśla baćki pierasvarylisia, dzielačy hrabavyja5
Kamientary