Jak žyvie i čym zajmajecca Kryścina Mocnaja — mierkavanaja pazašlubnaja dačka Alaksandra Łukašenki

Płanavała stać nastaŭnicaj niamieckaj movy, ale znajšła siabie ŭ inšaj śfiery. Pahladzieli, što raskazvaje pra siabie ŭ sacyjalnych sietkach Kryścina Mocnaja, jakuju nazyvajuć imaviernaj dačkoj Alaksandra Łukašenki.

24-hadovaja Kryścina Mocnaja. Fota tut i dalej: instahramu

U 2022 hodzie dziaŭčyna skončyła Minski dziaržaŭny linhvistyčny ŭniviersitet, dzie akcent rabiła na vyvučeńnie anhlijskaj i niamieckaj moŭ. Pieršapačatkova jana płanavała być nastaŭnicaj niamieckaj movy (čym vielmi hanaryłasia jaje maci). Ale znajšła siabie ŭ takoj śfiery, jak hrafičny dyzajn.

Kryścina z maci paśla pastupleńnia ŭ VNU

U 2023 hodzie Kryścina skončyła navučańnie ŭ rasijskim «Biuro Harbunova».

Ciapier jana pracuje śpiecyjalistkaj pa źniešnieekanamičnaj dziejnaści TAA Izovac (tak paznačana ŭ profili ŭ sacsietkach Kryściny). Kampanija vyrablaje vakuumnyja ŭstanoŭki.

@nashaniva U Łukašenki znajšłasia dačka. Jaje proźvišča: Mocnaja. A baćkam zapisany: Mocny Alaksandr Ryhoravič #łukašienko #łukašenka #doċ #doċka #papa #tata #baćka #baťka #kola #kolałukašienko #kristina #sieḿja #roditieli #priezidient #pravitielstvo #novosti #politika #biełaruś #minsk ♬ Suspenseful and tense orchestra(1318015) - SoLaTiDo

Dziaŭčyna taksama prymaje zamovy jak fryłansierka.

Kryścina ŭ sacsietkach nazyvaje siabie tvorčym čałaviekam. Jana lubić pieć, prydumlać dla siabie jarkija vobrazy i fatahrafavacca.

Kryścina i Śniažana Mocnyja

Žartuje, što maje kavavuju zaležnaść. U volny čas Kryścina naviedvaje trenažorku.

Maci Kryściny — Śniažana Mocnaja, cyrulnica rodam sa Škłova, jakaja paźniej ź siamjoj pierabrałasia ŭ Minsk — pazicyjanuje siabie jak imidžmiejkiera. U jaje akaŭncie šmat fota dački. Śniažana kaža, što ŭ ich vielmi blizkija i dušeŭnyja adnosiny.

Fota ź instahramu Śniažany Mocnaj

Pra toje, što Kryścina moža być pazašlubnaj dačkoj Łukašenki, vyśvietlili žurnalisty «Biuro». Na heta pakazvaje niekalki ŭskosnych faktaraŭ. Naprykład, baćkam dziaŭčyny zapisany Mocny Alaksandr Ryhoravič — takoha čałavieka niama ŭ pašpartnaj bazie, a proźvišča — heta dziavočaje proźvišča Śniažany Mocnaj. Sama Śniažana Mocnaja skazała žurnalistam «Biuro», što «heta ŭsio łuchta».

«Naša Niva» pisała Kryścinie pa kamientar, ale paviedamleńnie zastałosia niepračytanym.

Kamientary da artykuła