Vyjšła novaja kniha pra Alesia Bialackaha

U Biełastoku vyjšła z druku novaja kniha, pryśviečanaja Nobieleŭskamu łaŭreatu premii miru Alesiu Bialackamu. Vydańnie nazyvajecca «Za biełaruskaje žyćcio…» i prymierkavanaje da 10 śniežnia — Dnia suśvietnaj deklaracyi pravoŭ čałavieka i druhoj hadaviny pryznańnia Nobieleŭskaj premii Alesiu Bialackamu, piša radyjo «Racyja».

Vydańnie stała mahčymym dziakujučy supolnaj pracy troch biełastockich strukturaŭ: radyjo «Racyja», tydniovika biełarusaŭ u Polščy «Niva» i Centra hramadzianskaj adukacyi Polšča-Biełaruś.

Źmiest knihi składajuć razmovy Michasia Andrasiuka z Alesiem Bialackim z cykłu «Vočy ŭ vočy», jakija hučali na radyjo «Racyja», uspaminy Alesia Bialackaha pra muziej Maksima Bahdanoviča, jakija taksama drukavalisia na sajcie radyjo «Racyja», intervju Alesia Bialackaha, jakija hučali na hetym radyjo, nobieleŭskaja pramova, jakuju začytvała žonka łaŭreata Natalla Pinčuk, apošniaje słova Bialackaha na palityčnym karnym pracesie i jahonyja listy z savieckaha vojska, jakija drukujucca ŭpieršyniu.

Vydańnie bahata aformlenaje redkimi fotazdymkami roznych hadoŭ, niekatoryja ź jakich publikujucca ŭpieršyniu.

Aleś Bialacki z maci Ninaj

Aleś Bialacki z baćkam Viktaram

Kala pomnika Maksimu Bahdanoviču ŭ Jałcie

U savieckim vojsku

Razhon «Dziadoŭ» u Minsku, 1988 hod

Šlub z Natallaj Pinčuk, 1987 hod

Z synam, baćkam i siastroj

Kamientary da artykuła