Fantazija Bulby: Cichanoŭskaja nie rupicca za vyzvaleńnie Bialackaha, bo ź jaho buduć vyroščvać novaha lidara apazicyi
Abmien źniavolenymi pamiž Zachadam i Rasijaj daŭ mahčymaść sfarmulavać svaje kanśpirałahičnyja viersii ŭsim achvotnym. Nie ŭpuściŭ takuju mahčymaść i lidar «Paspalitaha rušeńnia» Siarhiej Bulba.
«Zaraz u turmie znachodzicca nobieleŭski łaŭreat Aleś Bialacki. I čamu Cichanoŭskaja i jaje atačeńnie nie rupicca za vyzvaleńnie biełaruskich palitviaźniaŭ? Čamu heta nie jość pryjarytetnaja zadača — pieradusim damahčysia, kab abmianiali Alesia Bialackaha?
Moža, ja śpiašajusia, ale mnie padałosia, što kali Bialackamu ŭručyli nobieleŭskuju premiju, to ź jaho buduć vyroščvać novaha lidara dla biełaruskaj demakratyčnaj apazicyi. Jakraz zamiest Cichanoŭskaj. I tady ja razumieju, čamu NDA Cichanoŭskaj nijak nie choča spryjać tamu, kab vypuścili ŭ tym liku i Bialackaha», — parazvažaŭ Bulba ŭ efiry 6tv.
Pry hetym jon ličyć, što jakraz u jaho atrymałasia damahčysia taho, kab ludzi vychodzili na svabodu.
«My prykłali bahata namahańniaŭ, kab u Biełarusi vyzvalić palitviaźniaŭ. Što-ništo atrymałasia», — pryznaŭsia Bulba.
***
Siarhiej Bulba (raniej — Siarhiej Čysłaŭ) u 1990-ja byŭ siarod lidaraŭ «Biełaha lehijona». Paśla 2008 u Biełarusi byŭ redka, žyŭ u Niepale, Indyi, Łacinskaj Amierycy, Ukrainie. Ciapier žyvie ŭ Polščy.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary
Vy albo kryžyk zdymicie, albo majtki apranicie!
Ahidna słuchać čałavieka sa stračanaj reputacyjaj!