Izrail nanios avijaŭdary pa Damasku. I zaniaŭ častku terytoryi Siryi na Hałanskich vyšyniach

VPS Izraila aktyvizavalisia ŭ Siryi paśla padzieńnia režymu Asada.

Skrynšot videa

Izrailskija VPS nanieśli ŭdary pa niekalkich abjektach u Damasku. Pad udary trapili budynki štab-kvatery siryjskaj mytni i vajskovaj raźviedki ŭ kompleksie biaśpieki ŭ rajonie Kafr-Susa. Akramia taho, izrailskija VPS nanieśli ŭdary pa składach sa zbrojaj u paŭdniovych rajonach Siryi

Izrailskija vajskoŭcy taksama nanieśli ŭdary pa daśledčym centry ŭ Damasku. Pavodle krynic Reuters, tam mahli raspracoŭvacca iranskija rakiety dalokaha radyusu dziejańnia.

Paśla padzieńnia režymu Bašara Asada i jaho ŭciokaŭ z krainy izrailskaja armija zaniała bufiernuju zonu na sprečnych Hałanskich vyšyniach «dla zabieśpiačeńnia biaśpieki izrailskich hramad». Izrail kantraluje bolšuju častku vyšyniaŭ z časoŭ Šaścidzionnaj vajny 1967 hoda. U 1981 hodzie jon anieksavaŭ hetuju terytoryju, niahledziačy na pazicyju AAN. Na miažy była stvorana demilitaryzavanaja bufiernaja zona.

Na miažu ź Siryjaj na Hałanskich vyšyniach siońnia asabista prybyŭ premjer-ministr Izraila Bińjamin Nietańjachu. Jon nazvaŭ dzień padzieńnia režymu Asada «histaryčnym» i zajaviŭ, što heta stała mahčymym dziakujučy supracivu, jaki Izrail akazvaŭ Iranu i «Chiezbale» ŭ Livanie.

Uvachod izrailskaj armii na siryjskuju častku vyšyń Nietańjachu rastłumačyŭ tym, što z-za vyvadu siryjskich vojskaŭ pierastała dziejničać pahadnieńnie ab raźmiežavańni ź Siryjaj 1974 hoda.

Kamientary da artykuła