Frydman: Los Asada pakazvaje, što Łukašenku «arešniki» nie dapamohuć
Pryvid zrynutaha dyktatara Bašara Asada ŭžo chodzić pa pałacach Łukašenki i Pucina, piša ahladalnik Alaksandr Frydman.
Paśla krušeńnia dyktatury Bašara Asada budučynia Siryi vyhladaje zmročna, piša Frydman.
«Jana maje ŭsie šancy zahraznuć na hady ŭ kryvavym bałocie hramadzianskaj vajny i pieratvarycca ŭ «novuju Liviju». Tak što za radaściu ŭ Chomsie, Damasku i Alepa vielmi chutka rušyć uśled praćvieražeńnie, a ŭ Jeŭropu nakirujucca natoŭpy biežancaŭ, jakich u hety raz u ES, vierahodna, nie puściać», — miarkuje analityk.
Jon zaŭvažaje, što krach Asada nanosić surjozny ŭron maskoŭska-tehieranskaj «vosi zła».
Pavodle słoŭ Frydmana, ambicyjny fundamientaliscki Iran paŭstaŭ słaboj rehijanalnaj dziaržavaj, a razhrom iranskaha pasolstva ŭ Damasku moža stać pradvieśnikam epachalnych pieramien u samoj Isłamskaj Respublicy, režym jakoj trymajecca na štykach Korpusa vartavych isłamskaj revalucyi i inšych karnych padraździaleńniaŭ.
Maskva ž paciarpieła, mabyć, samaje hučnaje źniešniepalityčnaje paražeńnie za miežami postsavieckaj prastory z časoŭ vojnaŭ u Juhasłavii i jašče raz nahladna pakazała, što źjaŭlajecca tyhram, ale papiarovym tyhram, piša Frydman.
Analityk ličyć krach Asada znakavym dla inšych dyktataraŭ.
«Los Asada (niezaležna ad taho, zahinuŭ jon u avijakatastrofie ci stanie «novym Janukovičam») jašče raz paćviardžaje, što chod majatnika historyi možna zapavolić (jak heta robić Pucin usie apošnija hady), ale jaho nielha spynić. Pucin i Łukašenka nikoli nie zrazumiejuć hetuju prostuju aksijomu. Jany mohuć i dalej zapasacca «arešnikami», ale «arešniki» nie vyhaniać ź ich rezidencyj pryvidu… pryvidu zrynutaha dyktatara Bašara Asada», — dadaje Frydman.
-
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać
-
Biełarus pra adstaŭku Fiodarava: Viera ŭ niepahrešnaha technakrata nievykaranialnaja
-
Statkievič źvinavaciŭ łukašystaŭ u etnacydzie i nazvaŭ procijadździe jamu
Ciapier čytajuć
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli6
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2323
Kamientary