«Heta ŭžo i jość pryvabnaść». Stała viadoma, kolki zarablajuć čynoŭniki-kiraŭniki ŭ rehijonach
Sienatar Michaił Rusy ličyć zarobak pryvabnym.
Michaił Rusy. Skrynšot videa
Były vice-premjer Michaił Rusy raskazaŭ, kolki zarablajuć kiraŭniki dziaržaŭnych orhanaŭ u rehijonach.
U efiry STB u sienatara spytali, jak zmatyvavać čynoŭnikaŭ zastavacca na miescach. U adkaz Rusy adznačyŭ, što prapanavany im zarobak ŭžo źjaŭlajecca pryvabnym.
«Siońnia zarobak naładžany tak, što kiraŭnik, kali jość vytvorčaść, zarablaje 7-8 tysiač. Heta ŭžo i jość pryvabnaść. Plus pradastaŭlajecca žyllo, stvorany ahraharadki, jość umovy dla žyćcia. Ciapier kiraŭnik dziaržavy pastaviŭ zadaču — vioska budučyni, zrabić jašče adzin šturšok», — adznačyŭ Rusy.
Pry hetym, pavodle słoŭ eks-ministra, na takija ličby mohuć raźličvać daloka nie ŭsie kiraŭniki.