Rasija pieradała Ukrainie cieły vajennapałonnych, jakija zahinuli pry krušeńni Ił-76 pad Biełharadam
Ambudsmien pa pravach čałavieka RF Taćciana Maskalkova paviedamiła «RIA Novosti», što Rasija pieradała Ukrainie cieły zahinuŭšych pry krušeńni Ił-76 u Biełharadskaj vobłaści.
«Jany pieradadzieny. Heta adbyłosia, i ja pry hetym prysutničała», — skazała jana. Ukrainski bok pakul nie kamientavaŭ infarmacyju.
Ranicaj 24 studzienia 2024 hoda ŭ Biełharadskaj vobłaści ŭpaŭ vajskova-transpartny samalot Ił-76. U Minabarony RF zajavili, što jon lacieŭ z padmaskoŭnaha aeradroma ŭ Biełharad, a na borcie znachodzilisia 65 pałonnych vajskoŭcaŭ USU, troje siłavikoŭ dla supravadžeńnia i 6 členaŭ ekipažu. Maskva abvinavaciła va ŭdary pa samalocie Uzbrojenyja siły Ukrainy.
HUR Minabarony Ukrainy paćvierdziła, što 24 studzienia pavinien byŭ adbycca abmien vajennapałonnymi, ale rasijski bok nie paviedamiŭ Kijevu, jak mienavita da miesca abmienu dastaviać ukrainskich vajennapałonnych. Viedamstva adznačyła, što situacyja z krušeńniem samalota Ił-76 u Biełharodskaj vobłaści mahła być spłanavanaj pravakacyjaj z boku RF.