Kurjera machlaroŭ vyličyli pa adbitku palca, pakinutym na dźviarnym zvanku
Achviaraj złačyncaŭ stała 73-hadovaja piensijanierka.
Fota: Dziaržaŭny kamitet sudovych ekśpiertyz
Sudovyja ekśpierty dapamahli raskryć spravu ab telefonnym machlarstvie, vyśvietliŭšy asobu kurjera, paviedamlaje Dziaržaŭny kamitet sudovych ekśpiertyz.
Achviaraj złačyncaŭ stała 73-hadovaja piensijanierka. Joj patelefanavaŭ mužčyna, jaki pradstaviŭsia śledčym, i paviedamiŭ, što jaje dačka nibyta stała vinoŭnicaj DTZ.
Pakul złamyśnik trymaŭ žančynu na linii, da jaje dadomu pryjšoŭ kurjer, jakomu jana pieradała źbieražeńni — kala $11 tysiač.
Tolki paśla pieradačy hrošaj piensijanierka źviazałasia z dačkoj i zrazumieła, što stała achviaraj padmanu. Dačka adrazu źviarnułasia ŭ milicyju. Na miescy złačynstva śpiecyjalisty vyjavili adbitak palca na knopcy dźviarnoha zvanka.
Užo na nastupny dzień udałosia zatrymać padazravanuju — 32-hadovuju ŭradženku Mahiloŭskaha rajona. Jana vykonvała rolu kurjera, častka vykradzienych srodkaŭ była kanfiskavanaja.
Pa fakcie machlarstva zaviedziena kryminalnaja sprava, rasśledavańnie praciahvajecca.