Pryznačany Asadam pasoł Siryi ŭ Rasii nazvaŭ jahonyja ŭcioki «haniebnymi i źnievažalnymi»
Krach karumpavanaj sistemy ŭ Siryi za ličanyja dni śviedčyć pra jaje niepapularnaść jak u hramadstvie, tak i ŭ vojsku, zajaviŭ u intervju prapahandysckamu rasijskamu resursu RT Arabic ambasadar Siryi ŭ Rasii Bašar Džafary.
Bašar Džafary
«Krach karupcyjnaj sistemy za ličanyja dni śviedčyć pra jaje niepapularnaść i adsutnaść padtrymki jak u hramadstvie, tak i siarod armii i Uzbrojenych sił. Haniebnyja i źnievažalnyja ŭcioki kiraŭnika hetaj sistemy pad pokryvam nočy, bieź jakoha-niebudź pačućcia nacyjanalnaj adkaznaści pierad krainaj, paćviardžaje nieabchodnaść źmien, jakija adbylisia», — adznačyŭ dypłamat.
Jon vykazaŭ nadzieju na «mirnyja pieramieny» ŭ krainie.
Pry hetym Bašar Džafary źjaŭlajecca pasłom Siryi ŭ Maskvie z 5 kastryčnika 2022 hoda, to-bok užo dva hady jak pradstaŭlaje hetu samuju karumpavanuju sistemu ŭ krainie, jakaja była adnoj ź jaje hałoŭnych sajuźnikaŭ. Pierad tym jon z 2006 pa 2020 hod byŭ pradstaŭnikom Siryi ŭ AAN, a ŭ 2020—2022 hadach źjaŭlaŭsia namieśnikam ministra zamiežnych spraŭ hetaj krainy.
Čytajcie taksama:
Siryjskija ŭciekačy masava viartajucca na radzimu paśla źviaržeńnia režymu Bašara Asada
U pasolstvie Siryi ŭ Minsku źniali ściah
«Pieravarot zialonaj pałasy». Čamu novaja ŭłada źmianiła dziaržaŭny ściah Siryi
Nad pasolstvam Siryi ŭ Maskvie padniali novy ściah
Turcyja daznałasia pra płany siryjskaj apazicyi zrynuć Asada za paŭhoda da nastupu
Pastajanny pradstaŭnik RF ab situacyi z Asadam: Rasija zastajecca viernaj svaim siabram u biadzie
Asad byŭ ździŭleny, jak dziejničała jaho armija