Turcyja daznałasia pra płany siryjskaj apazicyi zrynuć Asada za paŭhoda da nastupu
Paŭstancy nie mahli dziejničać, nie papiaredziŭšy tureckija ŭłady, jakija z samaha pačatku hramadzianskaj vajny ŭ Siryi byli hałoŭnymi sponsarami siryjskaj apazicyi.
Siryjskaja apazicyja, jakaja zachapiła ŭładu ŭ Damasku, papiaredziła Turcyju pra namier arhanizavać maštabny nastup za paŭhoda da jaho pačatku, raspaviali Reuters dźvie daśviedčanyja krynicy.
Ź ich słoŭ, paŭstancy nie mahli dziejničać, nie paviedamiŭšy tureckija ŭłady, jakija z samaha pačatku hramadzianskaj vajny ŭ Siryi byli hałoŭnymi sponsarami siryjskaj apazicyi. Pry hetym jany atrymali ad Ankary maŭklivuju zhodu na apieracyju, pieršaj metaj jakoj byŭ zachop druhoha pa vieličyni horada Siryi — Alepa. Śmieły płan raspracavała hrupoŭka «Chajat Tachryr aš-Šam» (CHTŠ) i jaje lidar Abu Muchamied al-Džułani, śćviardžaje adzin z surazmoŭcaŭ Reuters.
Da hetaha Turcyja, jakaja zaklučyła ŭ 2020 hodzie pahadnieńnie z Rasijaj ab deeskałacyi bajavych dziejańniaŭ na paŭnočnym zachadzie Siryi, vystupała suprać maštabnaha nastupu paŭstancaŭ, bajučysia, što heta pryviadzie da novaj chvali biežancaŭ u rehijonie.
Adnak, sa słoŭ krynic Reuters, u pačatku hetaha hoda siryjskaja apazicyja adčuła ŭzmacnieńnie žorstkaści pazicyi Ankary ŭ dačynieńni da prezidenta Bašara Asada.
Heta adbyłosia paśla taho, jak jon adchiliŭ sproby prezidenta Turcyi Redžepa Taipa Erdahana znajści palityčnaje rašeńnie vajennaha tupika, u jakim akazałasia Siryja.
Uzbrojenaja apazicyja skarystałasia hetym i pakazała tureckim uładam svoj płan pa źviaržeńni Asada. Jany adznačyli, što šlach dypłamatyi «nie pracavaŭ hadami», tamu treba pasprabavać inšy padychod.
Jak piša Reuters, ich pasłańniem było: «Vam nie treba ničoha rabić, prosta nie ŭmiešvajciesia».
Ciapier čytajuć
Minsk siońnia viečaram pahruziŭsia ŭ ciemru. Paśla zahadu Łukašenki29
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary