Čempijanat śvietu pa futbole ŭ 2034 hodzie projdzie ŭ Saudaŭskaj Aravii
FIFA na pazačarhovym kanhresie ŭ Ciurychu aficyjna abviaściła, što futbolny mundyjal 2034 hoda prymie Saudaŭskaja Aravija.
Siensacyjaj ci navat prosta niečakanaściu heta rašeńnie nie stała, bo Saudaŭskaja Aravija była adzinym kandydatam na praviadzieńnie turniru.
Raniej na arhanizacyju ČS-2034 pretendavała Aŭstralija, ale ŭ vyniku jana pieradumała nakiroŭvać dakumienty.
U 2030 hoda krainami-haspadyniami suśvietnaha čempijanata buduć Maroka, Partuhalija i Ispanija. Akramia taho, pa adnoj hulni turniru prymuć Uruhvaj, Arhiencina i Parahvaj.
Čytajcie taksama:
Vaśmirazovy čempijon Biełarusi budzie hulać za kamandu čaćviortaha dyvizijona Italii
Na matčy «Lehija» — «Dynama» byli zatrymanyja dvoje mužčyn, jakija zdymali biełaruskich zaŭziataraŭ