Na matčy «Lehija» — «Dynama» byli zatrymanyja dvoje mužčyn, jakija zdymali biełaruskich zaŭziataraŭ
Mužčyny nie reahavali na prośby naviedvalnikaŭ matču nie vieści zdymku, a taksama praihnaravali słovy achovy.
Padčas matču pamiž varšaŭskaj «Lehijaj» i minskim «Dynama» byli zatrymanyja dvoje mužčyn, jakija zdymali biełaruskich zaŭziataraŭ. Pra heta piša Reformby.news sa spasyłkaj na Rzeczpospolita.
Mužčyny nie reahavali na prośby naviedvalnikaŭ matču nie vieści zdymku, a taksama praihnaravali słovy achovy. U vyniku była vyklikanaja palicyja, jakaja vyvieła mužčyn sa stadyjona.
«Sapraŭdy pryčynaj umiašańnia słužby biaśpieki matču staŭ zapis abo fatahrafavańnie zaŭziataraŭ ź Biełarusi. My vyklikali palicyju, pakolki mužčyny, jakija zapisvali ich, praihnaravali zahad supracoŭnika słužby biaśpieki pakinuć haściavy siektar», — raspavioŭ pradstaŭnik «Lehii» Bartaš Zasłaŭski.
Padčas matču polskija zaŭziatary varšaŭskaj «Lehii» razharnuli niekalki banieraŭ suprać Alaksandra Łukašenki, a taksama vykrykvali niecenzurnyja kryčałki na jahony adras. UEFA navat aštrafavała futbolny kłub za pavodziny naviedvalnikaŭ matču. Na im taksama prysutničali biełaruskija zaŭziatary, jakija pryjšli ź bieł-čyrvona-biełymi ściahami i demanstravali baniery ŭ padtrymku biełaruskich dobraachvotnikaŭ, palitviaźniaŭ i h.d. Mienavita ich i zdymali dvoje mužčyn.
Pres-sakratar načalnika palicyi Varšavy i rajona Jakub Pacyniak paćvierdziŭ zatrymańnie dvuch mužčyn. Jon paviedamiŭ, što jany parušyli pałažeńni zakona ab biaśpiecy masavych mierapryjemstvaŭ, nie padparadkavaŭšysia patrabavańniam achovy. Pavodle jaho słoŭ, adnamu mužčynu 34 hady, u jaho vyjavili nievialikuju kolkaść narkotykaŭ, jamu pradjaŭlenyja abvinavačvańni pa kryminalnym artykule. Druhomu mužčynu 38 hadoŭ. Inšyja źviestki pra ich u palicyi nie paviedamili. Pa danych vydańnia, adzin ź ich niadaŭna padaŭ zajavu na atrymańnie statusu biežanca. Jaho sprava razhladajecca.
Palicyja pieradała dva pratakoły ŭ sud Centralnaha rajona Varšavy. Za hetyja parušeńni praduhledžana pakarańnie ŭ vyhladzie abmiežavańnia voli abo štrafu ŭ sumie nie mienš za 2000 złotych (400 jeŭra).
Jak paviedamili ŭ sudzie, u adnym vypadku vyniesiena pastanova ab zaviadzieńni spravy ab drobnym pravaparušeńni ŭ zvyčajnym paradku. U druhim vypadku vyniesiena vyznačeńnie ab zaviadzieńni paskoranaj vytvorčaści, praviedziena sudovaje pasiadžeńnie i sud vynies rašeńnie ab admienie pakarańnia, zabaronie na naviedvańnie masavych mierapryjemstvaŭ terminam na 2 hady i vyzvaleńni abvinavačanaha ad vypłaty sudovych vydatkaŭ.
UEFA pa vynikach matča ź minskim «Dynama» aštrafavaŭ «Lehiju» za antyłukašenkaŭskija płakaty fanataŭ
Byłoha biełaruskaha palitviaźnia zatrymali na matčy ŭ Varšavie za admovu addać antyłukašenkaŭski banier
Fanaty raspaviali, jak zmahli arhanizavać pierfomans na matčy ŭ Varšavie i jak zmahalisia z pjanymi pravakatarami
Kamientary
Na miestie polskich vłastiej ja by nie ariestovyvał etich 2 kołchoznych Džiejmsov Briendov,ia by otdał ich na pierievośpitanije biełarusikimi polskim amataram futbika. Uvierien na 100% v śledujuŝuju komandirovku čierti juy nie zachotieli jechať.