U Brazilii śviatar upaŭ na mašynie z 20-mietrovaj vyšyni, ale vyžyŭ

59-hadovy śviatar Adelma Sierdžya Homieš u brazilskim mikrarehijonie Para-dy-Minas pierasiakaŭ most nad jaram na mašynie. Ale ŭ peŭny momant jon straciŭ kiravańnie, i mašyna palacieła z mosta z 20-mietrovaj vyšyni.

Fota: Jam Press

Niahledziačy na padzieńnie z takoj vialikaj vyšyni, mašyna pryziamliłasia na dach pobač z rakoj, dziakujučy čamu mužčyna zastaŭsia žyvy. Bolš za toje, jak raskazaŭ Homieš, jon zmoh navat samastojna vybracca z-pad abłomkaŭ.

Biez traŭmaŭ, praŭda, nie abyšłosia, śviatar pry padzieńni złamaŭ ruku i rabro, atrymaŭ traŭmu kalena i mocny šok.

Tym nie mienš, krychu adyšoŭšy ad pieršasnaha šoku, Homieš patelefanavaŭ svajmu siabru i paprasiŭ dapamahčy jamu vybracca ź jara. Toj pryjechaŭ pa śviatara i advioz jaho ŭ balnicu.

Kamientary da artykuła