Što zaminaje łukašystam pakazać Cichanoŭskaha?
«Stupień nianaviści i pahardy da Cichanoŭskaha ŭ Łukašenki bolšaja, čym da Babaryki», — miarkuje Alaksandr Frydman.
Śviatłana Cichanoŭskaja trymaje papku z partretam svajho muža Siarhieja. Fota: Richard Lautens Toronto Star via Getty Images
Raman Pratasievič sustreŭsia ŭ navapołackaj kałonii ź Viktaram Babarykam. Raniej jon publikavaŭ fota Maryi Kaleśnikavaj, jakoj dali pabačycca z baćkam. Ale nie Siarhieja Cichanoŭskaha.
«U vypadku Cichanoŭskaha ja nie ŭpeŭnieny, što Cichanoŭski hatovy byŭ by pajści voś na takuju sustreču z Pratasievičam», —
zaŭvažaje palityčny analityk Alaksandr Frydman u novym vypusku svajoj pieradačy.
Druhi momant, na jaki jon źviartaje ŭvahu, heta asabistaje staŭleńnie Łukašenki da Śviatłany Cichanoŭskaj. Łohika Łukašenki prykładna takaja:
«Niachaj jany tam pamučacca dadatkova, niachaj Cichanoŭskaja dumaje, što tam voś Kaleśnikavu pakazali, Babaryku pakazali, a Cichanoŭskaha my nie pakažam».
Jašče adna pryčyna — mienavita ŭ Cichanoŭskim i ŭ jaho dziejnaści Łukašenka bačyć asnoŭnyja pryčyny 2020 hoda.
«Cichanoŭski — čałaviek, jaki razbudziŭ Biełaruś u 2019—2020. Tamu i stupień nianaviści i pahardy da Cichanoŭskaha, musić, navat bolšaja, čym da Babaryki. Tamu, vidać, Cichanoŭskaha jany albo pakul nie razhladajuć, albo pakidajuć, tak by mović hruba, na zakusku».
Čytajcie taksama:
Maryja Kaleśnikava sustrełasia z tatam
Čamu ŭłady pakazali Babaryku mienavita ciapier?
Siarhieju Cichanoŭskamu 46. Heta jaho piaty dzień narodzinaŭ u niavoli