«Jon šukaje raźviazki, jon choča pryznańnia», — kaža palityčny ahladalnik Alaksandr Frydman.
Učora prapahandysty ŭpieršyniu za doŭhi čas pakazali Viktara Babaryku. Pra byłoha bankira nie było ničoha viadoma amal dva hady.
U vypusku svajoj pieradačy palityčny analityk Alaksandr Frydman vykazaŭ mierkavańnie, što hetym krokam ułady imknulisia abvierhnuć roznyja čutki ab tym, što Viktar Babaryka znachodzicca ŭ ciažkim stanie ci ŭvohule pamior.
Adnak, asnoŭnaja meta, jak ličyć Frydman, — dać sihnał Zachadu: «Voś pahladzicie, Babaryka pa-raniejšamu jość, my hatovy jaho pakazać, a heta značyć, kali my atrymajem ad vas niejkuju cikavuju prapanovu, my možam jaje razhledzieć».
Pa słovach analityka, Łukašenka razumieje, što na Zachadzie asabliva pilna sočać za losam viadomych palitviaźniaŭ, tamu napiaredadni vybaraŭ, jon šukaje pryznańnia i hatovy dziela hetaha razhledzieć pytańnie ab pamiłavańni:
«Jon šukaje raźviazki, jon choča pryznańnia i kaža: «Tak, u nas, moža być, zastalisia niejkija prablemy z 2020 hoda. Kali vy mnie zaraz niešta prapanujecie, voś jon, Babaryka, voś jon žyvy, ja da jaho navat puściŭ Pratasieviča, budzie ad vas cikavaja vartaja prapanova, čamu nie, mahu razhledzieć i pytańni pa pamiłavańni».
Na pohlad analityka, vyzvaleńnie Viktara Babaryki moža stać častkaj palityčnaha handlu pamiž biełaruskim režymam i Zachadam. Hałoŭnaj metaj takoha kroku moža stać źmiakčeńnie abo źniaćcie sankcyj, uviedzienych suprać Biełarusi.
Akramia taho, havorka moža iści pra nakiravańnie zachodnich pasłoŭ u Biełaruś i ŭručeńnie imi davierčych hramat, što stanie aficyjnym pryznańniem Łukašenki. Taksama pradmietam handlu moža być «niejkaje chacia b niefarmalnaje pryznańnie vybaraŭ».
Na pohlad analityka, Łukašenka moh by vyzvalić palitviaźniaŭ, naprykład, Maryju Kaleśnikavu ci Viktara Babaryku, kab prademanstravać Zachadu hatoŭnaść da kampramisaŭ. Adnak dyktatar baicca, što hety žest nie pryniasie žadanych vynikaŭ. Vyzvaleny palityk moža źjechać na Zachad ci zastacca ŭ krainie, a reakcyja Zachadu budzie abmiežavanaja tolki słovami padtrymki, naprykład, «my vitajem vyzvaleńnie palitviaźniaŭ».
«Takija słovy, heta nie toje, što choča atrymać Łukašenka, jamu patrebnaja niejkaja kankretyka, jamu treba niešta materyjalnaje», — padsumoŭvaje Frydman.
Ciapier čytajuć
«Sił niama, resursaŭ niama, usie stamilisia». Łukašenka zajaviŭ, što vajna va Ukrainie ŭ najbližejšyja miesiacy budzie skončanaja13
«Sił niama, resursaŭ niama, usie stamilisia». Łukašenka zajaviŭ, što vajna va Ukrainie ŭ najbližejšyja miesiacy budzie skončanaja
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha4040
Kamientary
Mabyć, u Pratasieviča jość dazvoł rabić niejkija inicyjatyvy ŭ niešyrokich miežach: sustrecca, sfotkać, pieradać piśmo
(darečy, toje, što pavinna być dla ŭsich viaźniaŭ i rehularna, biez prośbaŭ i pasrednikaŭ).
Zrobić - tak zrobić. Nie - tak nie. U sistemie bolš nikomu heta nie cikava - jašče brać na siabie adkaznaść i ryzyki.
Kali niešta nie atrymajecca, śpišuć na inicyjatyvu Ramana. Kali atrymajecca (dla sistemy), mabyć, i vykarystajuć.
Na bolšaje dazvołu źvierchu niama.