Brus Uilis upieršyniu źjaviŭsia na publicy paśla taho, jak u jaho dyjahnastavali demiencyju
Słavuty akcior vyjšaŭ na publiku, kab padziakavać ratavalnikam, pakolki lasnyja pažary praciahvajucca pa ŭsim Łos-Andželesie, piša People.
Emma Heming Willis / Instagram
U čaćvier, 16 studzienia, žonka Uilisa Ema Cheminh Uilis apublikavała ŭ Instagram čorna-biełaje videa, na jakim Uilis u biejsbołcy «Ńju-Jork Jankiz» paciskaje ruku aficeru palicyi Łos-Andželesa i paziruje dla fatahrafii. Klip byŭ źniaty na pieśniu Led Zeppelin»Going to California».
46-hadovaja Ema napisała ŭ podpisie da videa, što videa było źniataje ŭ sieradu, 15 studzienia. «Zaŭvažyŭšy supracoŭnika słužby ekstranaha reahavańnia, Brus nie vypuściŭ mahčymaści vykazać svaju padziaku sardečnym pociskam ruki i słovami «dziakuj za vašu słužbu». Učorašni dzień ničym nie adroźnivaŭsia ad papiaredniaha — napisała jana.
«Heta napaŭniaje majo serca takoj radaściu», — napisała Tałuła Uilis, małodšaja dačka Brusa i byłoj žonki Demi Mur, u kamientary da pasta Emy.
U sakaviku 2022 hoda siamja abviaściła, što 70-hadovaja zorka «Mocnaha areška» zmahałasia z afazijaj, moŭnym razładam, jaki ŭpłyvaje na zdolnaść čałavieka kamunikavać. Zatym vyśvietliłasia, što jaho stan prahresuje, i jamu byŭ pastaŭleny dyjahnaz łobna-skronievaja demiencyja.
Čytajcie taksama:
«Nichto nie viedaje, kolki jamu zastałosia». Siamja zhurtavałasia vakoł chvoraha Brusa Uilisa