«Nichto nie viedaje, kolki jamu zastałosia». Siamja zhurtavałasia vakoł chvoraha Brusa Uilisa
Hety Dzień padziaki, 24 listapada, byŭ vielmi emacyjnym dla siamji Uilis. U śviatočnyja vychodnyja dačka Brusa Uilisa Skaŭt apublikavała ŭ Instagram kranalnaje videa, na jakim jana i jaje znakamity baćka, jaki zmahajecca z łobna-skronievaj demiencyjaj (nievylečnym zachvorvańniem hałaŭnoha mozhu), što paharšaje maŭleńnie i matoryku, trymajucca za ruki za stałom, a taksama fatahrafiju, na jakoj jana pryciskaje jaho dałoń da svajho tvaru.
Žonka Brusa, Ema, taksama apublikavała retraśpiektyŭnuju fatahrafiju vialikaj siamji, u tym liku ich dačok Miejbł i Evielin, byłoj žonki akciora Demi Mur i jaho starejšych dačok Rumier, Skaŭt i Tałuły, napisaŭšy: «Ja ŭdziačnaja za toje, što spaznała takoje kachańnie», piša usmagazine.com
Heta horka-sałodki čas dla blizkich Brusa. U sakaviku 2022 hoda siamja abviaściła, što 68-hadovaja zorka «Mocnaha areška» zmahałasia z afazijaj, moŭnym razładam, jaki ŭpłyvaje na zdolnaść čałavieka kamunikavać.
Zatym, u lutym hetaha hoda, vyśvietliłasia, što jaho stan prahresuje, i jamu byŭ pastaŭleny dyjahnaz łobna-skronievaja demiencyja.
Pa danych Nacyjanalnaha instytuta achovy zdaroŭja, typovaja praciahłaść žyćcia ludziej, jakija žyvuć z hetym zachvorvańniem, składaje ŭsiaho šeść-vosiem hadoŭ, ale niekatoryja miedycynskija krynicy śćviardžajuć, što jana składaje ŭsiaho dva hady.
Z tych časoŭ 45-hadovaja Ema, 61-hadovaja Demi, 35-hadovaja Rumier, 32-hadovaja Skaŭt i 29-hadovaja Tałuła znachodziacca vakoł jaho kruhłasutačna, 7 dzion na tydzień, razam z 11-hadovaj Mejbł i 9-hadovaj Evielin.
«U Brusa byvajuć dobryja dni i drennyja dni, ale za apošnija dva miesiacy ich stała našmat bolš. Drennych dzion bolš, čym dobrych», — paviedamlaje krynica.
«Hety dośvied jašče bolš zbliziŭ usiu siamju. Nichto nie viedaje, kolki času zastałosia ŭ Brusa, tamu jany atrymlivajuć asałodu ad kožnaha imhnieńnia, praviedzienaha ź im».
Pavodle druhoj krynicy, usia siamja, pa sutnaści, žyvie pad adnym dacham. «Jany ŭsie tam pastajanna», — paviedamlaje krynica.
«Jak tolki Brusu pastavili dyjahnaz, usie sabralisia razam, kab zachavać pamiać pra jaho siamju i i być pobač u jakaści pastajannaha napaminku, pra toje, što jany lubiać jaho. Usie krucicca vakoł jaho», — kaža abaznany čałaviek.
Pakolki za Brusam patrebny kruhłasutačny dohlad, prynamsi adzin člen siamji zaŭsiody ź im.
Pobač z Łukašenkam na chakiei źjaviłasia novaja pryhažunia10
Kamientary