Tramp płanuje naviedać Kitaj u pieršyja sto dzion prezidenctva
Abrany prezident ZŠA, jaki aficyjna paŭtorna ŭstupić na pasadu 20 studzienia, abiacaje nieŭzabavie naviedać Kitaj, piša The Wall Street Journal.
Donald Tramp padčas vizitu da Si Czińpina ŭ listapadzie 2017 hoda. Fota: Thomas Peter / Getty Images
Pavodle źviestak krynic, znajomych z abmierkavańniami, Tramp zajaviŭ svaim daradcam, što płanuje naviedać Kitaj paśla svajoj inaŭhuracyi. WSJ adznačaje, što pakul kančatkovaje rašeńnie ab pajezdcy nie pryniata.
Tramp naviedvaŭ Kitaj u 2017 hodzie ŭ pieršy hod svajho pieršaha prezidenckaha terminu.
17 studzienia 2025 hoda jon telefanavaŭ staršyni Kitaja Si Czińpinu. Pa vynikach razmovy Tramp zajaviŭ, što Vašynhton i Piekin u najbližejšy čas razam «vyrašać mnohija prablemy».
Donald Tramp ustupić na pasadu prezidenta ZŠA ŭ paniadziełak. Inaŭhuracyja pačniecca a 20-j pavodle minskaha času.
Na cyrymonii budzie prysutničać namieśnik staršyni KNR Chań Čžen.
Čytajcie taksama:
Jak Vašynhton rychtujecca da inaŭhuracyi 47-ha prezidenta ZŠA FOTA
Tramp rychtujecca da masavych departacyj nielehalnych mihrantaŭ
Donald Tramp zapuściŭ ułasnuju kryptavalutu
Bolšaść žycharoŭ Hrenłandyi hatovy dałučycca da ZŠA — apytańnie
Inaŭhuracyju Trampa pieranieśli ŭ zakrytaje pamiaškańnie z-za nadvorja