Трамп плануе наведаць Кітай у першыя сто дзён прэзідэнцтва
Абраны прэзідэнт ЗША, які афіцыйна паўторна ўступіць на пасаду 20 студзеня, абяцае неўзабаве наведаць Кітай, піша The Wall Street Journal.
Дональд Трамп падчас візіту да Сі Цзіньпіна ў лістападзе 2017 года. Фота: Thomas Peter / Getty Images
Паводле звестак крыніц, знаёмых з абмеркаваннямі, Трамп заявіў сваім дарадцам, што плануе наведаць Кітай пасля сваёй інаўгурацыі. WSJ адзначае, што пакуль канчатковае рашэнне аб паездцы не прынята.
Трамп наведваў Кітай у 2017 годзе ў першы год свайго першага прэзідэнцкага тэрміну.
17 студзеня 2025 года ён тэлефанаваў старшыні Кітая Сі Цзіньпіну. Па выніках размовы Трамп заявіў, што Вашынгтон і Пекін у найбліжэйшы час разам «вырашаць многія праблемы».
Дональд Трамп уступіць на пасаду прэзідэнта ЗША ў панядзелак. Інаўгурацыя пачнецца а 20-й паводле мінскага часу.
На цырымоніі будзе прысутнічаць намеснік старшыні КНР Хань Чжэн.
Чытайце таксама:
Як Вашынгтон рыхтуецца да інаўгурацыі 47-га прэзідэнта ЗША ФОТА
Трамп рыхтуецца да масавых дэпартацый нелегальных мігрантаў
Дональд Трамп запусціў уласную крыптавалюту
Большасць жыхароў Грэнландыі гатовы далучыцца да ЗША — апытанне
Інаўгурацыю Трампа перанеслі ў закрытае памяшканне з-за надвор'я