Akaŭnt siłavikoŭ šukaje achvotnych pazdymać ludziej na forumie apazicyi. A ŭ inšych čatach papiaredžvaje, što heta niebiaśpiečna
Heta vielmi padobna na styl HUBAZiK — mienavita Artur Hajko sočyć za akcyjami biełaruskaj emihracyi.
Kałaž «Našaj Nivy»
Karespandenty «Našaj Nivy» źviarnuli ŭvahu na dziŭnuju aktyŭnaść novastvoranaha telehram-akaŭnta ID 7685816821.
14 studzienia jon ustupiŭ u niekalki čataŭ, źviazanych ź Litvoj i Polščaj. 16 studzienia jon napisaŭ u supołku «Varšava čat» voś takoje paviedamleńnie:
Paviedamleńnie nieviadomaha karystalnika ŭ čacie «Varšava čat»
Na nastupny dzień hety ž akaŭnt spytaŭsia ŭ litoŭskim čacie, ci nie prapanavali kamuści zdymać za hrošy forum Cichanoŭskaj. A siońnia ad samaj ranicy jon ža raskidvaje adnatypnyja paviedamleńni takoha źmiestu:
Tekst, jaki rassyłaje akaŭnt Shane
U čacie biełarusaŭ Vilni akaŭnt papiaredziŭ karystalnika, što, maŭlaŭ, šukajuć ludziej, hatovych być fatohrafami na mierapryjemstvie, a paśla «ŭ ich adbiaruć u Biełarusi kvatery».
Zusim niezrazumieła, u čym sens takoj paralelnaj hulni ŭ supraćlehłych kirunkach.
My pasprabavali napisać akaŭntu Shane z pytańniem pra toje, što treba zdymać u Varšavie. Jon adasłaŭ nas u telehram-bot @EventShots_bot. Voś što nas naściarožyła.
Pa-pieršaje, bot stvorany kryva — u im na dźviuch movach bačny taki nadpis z proćmaj pamyłak u polskaj movie:
Skrynšot tekstu z bota
Z polskaj tekst pierakładajecca voś tak: «Praryŭ, Viktar. Dašli fota abo vyjavu dy atrymaješ hrafičny dokaz. Ananimnaść harantavanaja!»
Pa-druhoje, jon stvorany z dapamohaj FleepBot, jaki pakazvaje ID karystalnikaŭ, jakija pišuć u bot — mienavita im karystajecca HUBAZiK, u toj čas, jak u KDB jość samarobnyja boty. Heta važna dla analizu taho, ci sapraŭdny čałaviek piša ŭ bot i ci nie žurnalist jon.
Akurat niadaŭna Hajko anansavaŭ u svaim kanale «Biełaruski siłavik», što hatovy płacić za infarmacyju pra biełaruskuju mihracyju i biełaruskich dobraachvotnikaŭ. I akurat Hajko letaś źbiraŭ infarmacyju pra praviadzieńnie Dnia Voli ŭ emihracyi.