Vynieśli prysud mužčynu, jaki stralaŭ pa padletkach u Smarhoni
Usio adbyłosia jašče ŭ siaredzinie vieraśnia. U adnym z dvaroŭ Smarhoni padletki padryvali pietardy. Mužčyna staŭ pa ich stralać.
U 15-hadovaha chłopca na hrudziach zastaŭsia krovapadciok.
Vyjaviłasia, što šum u dvary pabudziŭ 35-hadovaha mužčynu. Toj schapiŭ pnieŭmatyčny pistalet Stalker i trojčy vystraliŭ u padletkaŭ. Dzieci raźbiehlisia, ale paśla adzin ź ich raspavioŭ pra zdareńnie baćkam. Tyja vyklikali milicyju.
Strałka zatrymali i zaviali spravu za asabliva złosnaje chulihanstva.
Na dniach sud Smarhonskaha rajona vynies pa spravie prysud. Mužčynu pryznali vinavatym. Pa rašeńni suda jamu pryznačyli 3 hady i 3 miesiacy «chimii».