Uładalnik hrodzienskaha stryp-kłuba vypuściŭ klip na pieśniu pra sajuz Biełarusi i Rasii
Ci buduć pieśniu vykonvać u stryp-kłubie, infarmacyi niama.
Hrodzienski pradprymalnik Artur Rymša vypuściŭ klip na pieśniu «Dźvie siastry» — u joj mužčyna śpiavaje ab mocnym sajuzie Biełarusi i Rasii, piša hrodna.life.
Pieśniu «Dźvie siastry» Rymša vypuściŭ u śniežni 2024 hoda, prymierkavaŭšy jaje da 25-hodździa Sajuznaj dziaržavy. U kampazicyi śpiavajecca ab siastrynstvie dźviuch krain, jakija na «adnoj karcie śvietu adzinyja, mocnyja».
Užo ŭ studzieni 2025 hoda Rymša apublikavaŭ klip na pieśniu, adznačyŭšy, što heta jaho pieršaja prafiesijnaja praca. Sam rolik źniaty ŭ adnoj łakacyi, siužetu ŭ klipie niama. Zatoje tam źjaŭlajecca baletmajstar hrodzienskaha dramteatra Jaŭhien Jakuš, jaki na pačatku videa vykonvaje baletnyja pa.
Artur Rymša vałodaje hrodzienskim stryp-kłubam «Rełaks», a taksama kafe «Randevu».