Za dva dni daterminovaha hałasavańnia praz vybarčyja ŭčastki prahnali tracinu supracoŭnikaŭ sistemy MNS
Vysokimi pakazčykami zabieśpiačeńnia jaŭki ŭ svaim viedamstvie pachvaliŭsia ministr nadzvyčajnych situacyj Vadzim Siniaŭski. Pavodle jaho słoŭ, kala 35% asabovaha składu sistemy MNS užo prahałasavała na vybarach daterminova.
«Na žal, try čałavieki nie zmohuć prahałasavać, tamu što znachodziacca ŭ ekśpiedycyi za Palarnym kruham, — skazaŭ jon. — Hałasujuć kursanty, jakija pieršy raz pryjšli na vybarčyja ŭčastki, a taksama našy vieterany, jakija znachodziacca ź dziejnymi supracoŭnikami ŭ ciesnym uzajemadziejańni».
Sam ministr, naturalna, taksama prahałasavaŭ daterminova.
Asnoŭny dzień hałasavańnia pryznačany na 26 studzienia 2025 hoda, a daterminovaje idzie 21—25 studzienia. CVK ŭčora zajaviła, što ŭ pieršy dzień daterminovaha hałasavańnia na ŭčastki nibyta źjavilisia 7,81% vybarščykaŭ.
Čytajcie taksama:
Haradskija aŭtobusy ŭ Minskaj vobłaści na vybarčyja ŭčastki buduć vazić zadarma
Belpol atrymaŭ śpisy členaŭ vybarčych kamisij
«A ja budu hałasavać za Chižniaka…»
U pieršy dzień daterminovaha hałasavańnia zapisali 7,81% jaŭki