Hienprakuratura zaviała kryminalnuju spravu na «Biełpoł» za vykradańnie bazy ź imionami členaŭ vybarčych kamisij
Hienieralnaja prakuratura paviedamiła, što na abjadnańnie byłych siłavikoŭ «Biełpoł» zaviedzienaja kryminalnaja sprava «pa fakcie naŭmysnych niezakonnych zboru i raspaŭsiudzie infarmacyi pra pryvatnaje žyćcie i piersanalnyja danyja bolš za dziesiać tysiač hramadzian, jakija źjaŭlajucca členami vybarčych kamisij i naziralnikami pry praviadzieńni elektaralnaj kampanii 2025 hoda».
Sprava zaviedzienaja pa č. 1 art. 203-1 Kryminalnaha kodeksa Respubliki Biełaruś (niezakonnyja dziejańni ŭ dačynieńni da infarmacyi ab pryvatnym žyćci i piersanalnych danych»).
Pierad hetym stała viadoma, što «Biełpoł» atrymaŭ śpisy bolš za 10 tysiač členaŭ vybarčych kamisij i naziralnikaŭ, zadziejničanych u čarhovaj falsifikacyi prezidenckaj vybarčaj kampanii ŭ Biełarusi.
Usie jany byli pryznačanyja režymam jašče ŭ vieraśni 2024 hoda (to-bok navat da abviaščeńnia daty prezidenckich vybaraŭ) pavodle vynikaŭ pravierak u «KDB-MUS» na łajalnaść da Łukašenki.
Čytajcie taksama:
Belpol atrymaŭ śpisy členaŭ vybarčych kamisij
Mitrapalit Vienijamin taksama pryjšoŭ hałasavać daterminova
Karpienka paviedamiŭ pra 15 biełarusaŭ, jakija viarnulisia z-za miažy, kab prahałasavać
«Padychod taki — patryjatyzm». Čym padčas vybaraŭ zajmajucca nastaŭniki, miedyki i advakaty