Syrankoŭ: Lenina nielha chavać, jon pavinien być simvałam Rasii i Biełarusi

Usie razmovy pra pachavańnie Lenina inśpiravanyja «antysavietčykami z-za miažy, mnohija ź jakich źjaŭlajucca idejnymi spadčyńnikami ŭłasaŭcaŭ i kałabarantaŭ», zajaviŭ u intervju RIA «Naviny» kandydat u prezidenty Biełarusi, lidar Kamunistyčnaj partyi Biełarusi Siarhiej Syrankoŭ.

Siarhiej Syrankoŭ. Fota: tochka.by

Pavodle jaho słoŭ, Lenin — heta najbolš značny ideołah sacyjalizmu i kamunizmu, a dla Biełarusi jon źjaŭlajecca zasnavalnikam dziaržaŭnaści.

Kiraŭnik biełaruskaj Kampartyi nahadaŭ, što Uładzimir Lenin i Iosif Stalin padtrymali praviadzieńnie ŭ Minsku Usiebiełaruskaha źjezdu ŭ śniežni 1917 hoda, na jakim była abvieščana patreba stvareńnia BSSR.

«Dy i dla Rasii Lenin — heta samy viadomy ŭ śviecie ruski čałaviek. Tamu liču, što Lenin, jak i jaho maŭzalej, pavinny nie tolki zastacca, ale i być simvałami Rasii, a taksama našaha biełaruska-rasijskaha sajuza», — skazaŭ Syrankoŭ.

Cieła Lenina znachodzicca ŭ prazrystym sarkafahu ŭ maŭzalei-pachavalni na Čyrvonaj płoščy kala Kramloŭskaj ściany ŭ Maskvie z 1924 hoda. Z 1953 pa 1961 hady ŭ maŭzalei taksama znachodziŭsia sarkafah ź ciełam Stalina, paśla čaho jaho pachavali.

Kamientary da artykuła