Palitviaźniu Siarhieju Frančuku dadali jašče paŭhoda źniavoleńnia
U sudzie Babrujskaha rajona i horada Babrujska 10 studzienia adbyŭsia razhlad užo treciaj kryminalnaj spravy suprać palitviaźnia Siarhieja Frančuka. Hetym razam jaho abvinavacili ŭ «abrazie pradstaŭnika ŭłady» (art. 369 KK), piša «Viasna».
Siarhiej Frančuk
Sudździa Andrej Litvin pryznačyŭ Frančuku jašče šeść miesiacaŭ źniavoleńnia ŭ dadatak da troch z pałovaj hadoŭ kałonii, a taksama štraf pamieram 50 bazavych vieličyniaŭ (2 000 rubloŭ).
Siarhiej Frančuk — stryječny brat pradstaŭnika Abjadnanaha pierachodnaha kabinieta pa abaronie i nacyjanalnaj biaśpiecy, byłoha namieśnika kamandzira Pałka Kalinoŭskaha Vadzima Kabančuka.
Siarhieja zatrymali 9 žniŭnia 2022 hoda. Letaś jaho dvojčy zapar asudzili ahułam da troch z pałovaj hadoŭ kałonii. Ahulny termin źniavoleńnia palitviaźnia ciapier składaje čatyry hady.
Čytajcie taksama:
Palitviaźnia Siarhieja Frančuka znoŭ buduć sudzić
Syn palityka, brat kalinoŭca. Palitviaźni, jakich pasadzili ŭ znak pomsty svajakam
U Babrujsku znoŭ asudzili stryječnaha brata bajca pałka Kalinoŭskaha i dadali jašče paŭhoda kałonii