Miadźviedzi ŭ Biarezinskim zapaviedniku śpiać i nie zdahadvajucca pra anamalnuju zimu
Buryja miadźviedzi ŭ Biarezinskim zapaviedniku, niahledziačy na anamalna ciopłuju zimu, spakojna śpiać u svaich biarłohach, pra heta paviedamiŭ «Sputniku» staršy navukovy supracoŭnik Alaksandr Rak.
Fota: BiełTA
Z kanca śniežnia ŭ Biełarusi ŭstalavałasia niezvyčajna ciopłaje nadvorje: amal niama śniehu, u studzieni ŭ asobnyja dni tempieratura pavietra składała +3..+9°C.
«Śpiać miadźviedzi, a što im moža pieraškodzić. Niahledziačy na takuju anamalna ciopłuju zimu, jany zalahli ŭ biarłohi i śpiać spakojna», — raspavioŭ Rak.
Pavodle jaho słoŭ, časam niekatoryja žyvioły mohuć padymacca ź biarłohi na karotki čas.
Heta adbyvajecca padčas adlihi, kali biarłoha pramakaje. U takich vypadkach miadźviedzi pierakładajucca ŭ inšaje, bolš suchoje miesca.