Tramp vychodzić sa struktur AAN i pahražaje Iranu dy paleścincam

Prezident ZŠA Donald Tramp praciahvaje padpisvać ukazy, skiravanyja na radykalnyja źmieny ŭ amierykanskaj źniešniaj palitycy ŭ roznych jaje kirunkach.

Donald Tramp. Fota: Christopher Furlong / Getty Images

4 lutaha Tramp, jak i anansavałasia raniej, padpisaŭ ukaz ab vychadzie ZŠA z Rady AAN pa pravach čałavieka. Taksama ZŠA źbirajucca pierahledzieć svoj udzieł u JUNIESKA.

Złučanyja Štaty taksama spyniać finansavańnie Blizkaŭschodniaha ahienctva AAN dla dapamohi paleścinskim uciekačam. Pryčyna ŭsich źmienaŭ — «antyamierykanskaja pieraduziataść» hetych instytutaŭ.

«Ja zaŭsiody ličyŭ, što ŭ AAN vielizarny patencyjał. Ale jana nie pracuje, zhodna z hetym patencyjałam. Užo doŭhi čas», — zajaviŭ prezident ZŠA.

Taksama Tramp padpisaŭ, pa jahonych ułasnych słovach, «vielmi žorstkuju» dyrektyvu, jakaja adnaŭlaje jahonuju palityku «maksimalnaha cisku» na Iran.

Znoŭ radykalna vykazaŭsia jon i pra paleścinskaje pytańnie:

«Ja chaču, kab Iardanija i Jehipiet pryniali paleścincaŭ ź siektara. U žycharoŭ siektara Haza niama inšaha vybaru, akramia jak pakinuć jaho, ale ja nie abaviazkova padtrymlivaju izrailskija pasieliščy tam», — skazaŭ jon, razmaŭlajučy z žurnalistami.

Kamientary da artykuła