Zialenski: Kijeŭ adkryty da supracoŭnictva pa zdabyčy redkaziamielnych mietałaŭ
Ukraina adkryta da supracoŭnictva z zachodnimi partniorami adnosna mahčymaj zdabyčy karysnych vykapniaŭ u abmien na vajennuju dapamohu, zajaviŭ ukrainski prezident Uładzimir Zialenski.
Fota: Jonathan Raa / NurPhoto via Getty Images
Tak jon prakamientavaŭ słovy prezidenta ZŠA Donalda Trampa, jaki raniej vykazaŭsia za dalejšyja vajennyja pastaŭki Kijevu, ale ŭžo ŭ abmien na redkaziamielnyja mietały, piša Radyjo Svaboda.
4 lutaha Zialenski na pres-kanfierencyi paśla sustrečy z kiraŭnikom MAHATE Rafaelem Hrosi nahadaŭ, što adzin z punktaŭ pradstaŭlenaha im letaś «płana pieramohi» Ukrainy praduhledžvaje inviestycyi ŭ karysnyja vykapni, jakich u krainy «dastatkova».
Zialenski adznačyŭ, što «vialikija abjomy karysnych vykapniaŭ» Ukrainy znachodziacca na terytoryjach, jakija z 2014 hoda akupavała Rasija
«My adkrytyja da taho, što ŭsio heta moža być raspracavana z našymi partniorami, jakija i dapamahajuć nam abaranić našu ziamlu, i šturchajuć voraha nazad svajoj zbrojaj, svajoj prysutnaściu, sankcyjnymi pakietami», — skazaŭ ukrainski lidar.
Adnačasova prezident Ukrainy paviedamiŭ, što abmiarkoŭvaŭ hetaje pytańnie padčas sustrečy z Donaldam Trampam u vieraśni 2024 hoda.
Čytajcie taksama:
Tramp prapanavaŭ dapamohu Ukrainie ŭ abmien na redkaziamielnyja mietały. Kijeŭ adkazaŭ
Zialenski: Kali nie bieracie nas u NATA, to dajcie jadziernuju zbroju
Šolc nazvaŭ žadańnie Trampa abmianiać dapamohu Ukrainie na redkaziamielnyja mietały «ehaistyčnym»