Minpracy abiacaje biełarusam bonusy za pierajezd u viosku

Z 7 lutaha pačynaje dziejničać pastanova Ministerstva pracy i sacyjalnaj achovy, zhodna jakoj biełarusy, jakija pierajazdžajuć u viosku, mohuć atrymać bonusy.

Zhodna instrukcyi Minpracy, biespracoŭnyja biełarusy, jakija pierasialajucca ŭ viosku, zmohuć atrymać hrašovuju dapamohu.

Paśla pracaŭładkavańnia im abiacajuć vypłacić 9 pražytačnych minimumaŭ — na 1 lutaha 2025 hoda heta 4 028,76 rubloŭ.

Dla taho, kab udzielničać u hetaj prahramie, treba mieć trochbakovuju damovu pamiž orhanam sacyjalnaj abarony, biespracoŭnym i najmalnikam ab pierasialeńni biespracoŭnaha i členaŭ jaho siamji ŭ suviazi ź pierajezdam na pracu ŭ inšuju miascovaść.

Paśla jamu abiacajuć vypłacić hrošy i paźniej — nazirać za tym, jak jon vykonvaje svaje abaviazki pa damovie.

Čynoŭniki spadziajucca, što takim čynam u ich atrymajecca pryciahnuć kadry na pracu ŭ viosku.

Kamientary da artykuła