Biełarusbank abmiažoŭvaje sumu źniaćcia srodkaŭ z kartak bankaŭ-nierezidentaŭ

Ciapier hetaja suma nie pavinna pieravyšać 49 bazavych vieličyń, abo 2058 rubloŭ na praciahu adnaho kalandarnaha miesiaca pa adnoj kartcy, paviedamlajecca na sajcie Biełarusbanka.

Kab źniać sumu, jakaja pieravyšaje vyznačany limit, možna źviarnucca ŭ kasu banka z dakumientam, jaki śviedčyć asobu.

Abmiežavańni dla ŭsich bankaŭ užo ŭvodziŭ Nacyjanalny bank Biełarusi. Pa jaho inicyjatyvie z 20 śniežnia 2024 hoda pa 1 lutaha 2025 hoda dziejničali kvoty na źniaćcie najaŭnych u bankamatach biełaruskich bankaŭ z vykarystańniem tych ža kartak, emitavanych bankam-nierezidentam.

Ale tady suma abmiežavańniaŭ nie pavinna była pieravyšać 25 bazavych vieličyń. U 2024 hodzie heta było 1000 rubloŭ u miesiac, u 2025-m — 1050 rubloŭ.

Kamientary da artykuła