10 mastoŭ płanujuć adramantavać u Minsku ŭ hetym hodzie
Jakija mastavyja zbudavańni adramantujuć u stalicy ŭ 2025 h. i dzie pabudujuć dva padziemnyja piešachodnyja pierachody, raspavioŭ na «Radyjo-Minsk» hienieralny dyrektar «Harramaŭtadara Minharvykankama» Maksim Biełavus.
Most, što złučaje vulicu Maskoŭskuju i płošču Niezaležnaści, zakryli ŭ subotu na 10 miesiacaŭ. Fota: Minsk-naviny
— U płanach na 2025 h.značycca ramont paradku 10 mastavych zbudavańniaŭ, — udakładniŭ m. Biełavus. — Adzin z hłabalnych i ciažkich prajektaŭ — most praz vulicu Maskoŭskuju. Buduć adramantavany masty praź Śvisłač na vulicu Haładzieda i na vuł. Pulichava, dva na vulicy Daŭhabrodskaj — praz vulicu Vaniejeva i praz čyhunku Maskva — Minsk, praz čyhunku na vuł. Brest-Litoŭskaj.
Taksama ŭ płanach budaŭnictva dvuch padziemnych piešachodnych pierachodaŭ u rajonie płoščy Dziaržaŭnaha ściaha i Parku narodnaha adzinstva. U aktyŭnaj fazie znachodzicca ramont padziemnaha piešachodnaha pierachodu na stancyi mietro «Instytut kultury».