Piać biełaruskich biznesaŭ atrymali ad asacyjacyi ABBA pa 5 tysiač jeŭra. Voś kamu dastalisia hrošy
8 lutaha Asacyjacyja biełaruskaha biźniesu za miažoj ABBA nazvała łaŭreataŭ IV premii «Biźnies volnaj Biełarusi». Pieramožcy ŭ piaci naminacyjach Free Belarus Business Awards atrymali pa 5 tysiač jeŭra. Cyrymonija ŭznaharodžańnia prajšła ŭ Varšavie, piša «Biełsat».
Cyrymonija ŭznaharodžańnia premijaj IV Free Belarus Business Award, Varšava, 9 lutaha 2025 hoda. Fota: «Biełsat»
Vice-prezidentka ABBA Maryna Hiryn nazvała pieramožcaŭ čaćviortaha konkursu Free Belarus Business Awards u piaci naminacyjach. Kožny z łaŭreataŭ atrymaŭ u jakaści pryzu 5 tysiač jeŭra.
- Niekamiercyjnaja arhanizacyja hoda — Biełaruski moładzievy chab (Varšava).
- Sacyjalnaje pradpryjemstva hoda — Jeŭrapiejski instytut sučasnaj psichaterapii (EIMP) u Vilni.
- Inavacyjny biźnies hoda — firma «Althouse» z Varšavy (vytvorčaść budaŭničych materyjałaŭ).
- Brend hoda — kaviarnia «Kava i ludzi» («Kawa i Ludzie») ŭ Sopacie.
- Najlepšy biźnies hoda — prajekt biełaruskaha adzieńnia «Žnivień» («Znivien»).
Pa słovach arhanizataraŭ, u čaćviortym konkursie «Free Belarus Business Awards» brali ŭdzieł 50 biełaruskich biźniesaŭ u vyhnańni.
Pieramožcaŭ vybirała mižnarodnaje žury, paviedamlajuć arhanizatary.