U Archanhielsku masava łamajucca aŭtobusy MAZ — praz heta parušany hrafik ruchu
Archanhielski pieravozčyk na tydni vykanaŭ tolki 86% rejsaŭ. Usio praz prablemy ź biełaruskimi aŭtobusami.
Fota: «Dvina Siehodnia»
Na minułym tydni ŭ Archanhielsku źbiŭsia hrafik ruchu hramadskaha transpartu. Pieravozčyk «Ryka», jaki absłuhoŭvaje 28 aŭtobusnych maršrutaŭ, vykanaŭ tolki 86,7% rejsaŭ.
Prablemy ŭźnikli praz masavyja pałomki aŭtobusaŭ MAZ. Z-za istotnych pierapadaŭ tempieratur padvieska ŭ MAZaŭ nie spraviłasia, spatrebiŭsia ramont aŭtobusaŭ, piša «Biźnies-kłass Archanhielsk».
«Na minułym tydni my atrymlivali šmat skarhaŭ ad žycharoŭ na pracu aŭtobusaŭ, departamient transpartu nieadkładna padklučyŭsia da vyrašeńnia prablemy. Na siońnia vychad aŭtobusaŭ na linii składaje ŭžo 95,6%», — udakładniŭ kiraŭnik Archanhielska Dźmitryj Moraŭ.
«ArchanhielskMAZcentr» apieratyŭna pastaviŭ zapčastki pieravozčyku. Aŭtobusy ŭžo viarnulisia ŭ stroj i vyjšli na linii.
Prablemy z aŭtobusami MAZ u Rasii ŭźnikajuć užo niekalki hadoŭ. Jany časta harać, pryčym uzharańni časam uźnikajuć prosta na maršrucie.
Čytajcie taksama:
U Rasii abvalilisia prodažy biełaruskich aŭtobusaŭ